最新產品試用
  • 產品:
    保濕面霜 + 洗髮沐浴露
    保濕面霜 + 潤膚乳液
    保濕面霜 + 舒緩保濕乳
    名額:
    25名
    試用日期:
    04-01至17-01
    截止報名:
    24-01-2017  已截止
     
    立即登記
  • 產品:
    鮮維C高濃縮膠原深層補水面膜
    鮮維C高濃縮膠原亮白修護面膜
    鮮維C高濃縮膠原緊緻抗皺面膜
    名額:
    20名
    試用日期:
    28-12至03-01
    截止報名:
    21-01-2017  已截止
     
    立即登記
  • 產品:
    份子釘滋潤保濕急救精華乳 40ml
    份子釘滋潤保濕急救面霜 50ml
    份子釘滋潤保濕急救面膜 22g x 5pcs
    名額:
    20名
    試用日期:
    21-12至27-12
    截止報名:
    27-12-2017  已截止
     
    立即登記
  • 產品:
    魚子雙效修護乳液 150ml或魚子雙效修護面霜 50ml
    名額:
    20名
    試用日期:
    14-12至29-12
    截止報名:
    20-12-2017  已截止
     
    立即登記
 
 
 
Home > Blog > 百家寶BB展 2013

百家寶BB展 2013


百家寶的BB展,其實龍媽媽已經系第二年去的了,
坦白而言,兩年的BB展都搞得麻麻地!
相對剛剛舉辦的媽媽咪咪的嘉年華,
它們搞的BB展真系好過百家寶的BB展好多,
因為今次的BB展有幾個不足,
如果明天或後天去的朋友們要有以下的心理準備:

1)無任何大的奶粉、尿片展商!
假如你想買奶粉的話!對唔住!
百家寶BB展只有惠氏和雀巢兩個大牌子奶粉商!
而兩個奶粉商都系唔系sell BB奶粉的!
即系話無訂購折扣!
惠氏-孕媽媽登記做會員會有一罐媽媽奶粉送!
(孕媽媽去會有著數,因為一罐奶粉都百幾)
雀巢-開辦孕媽媽學堂,上完有福袋送!
唉!連pampers和huggies的尿片商都無!
samples都無得送!真系好差!

2)無任何大的嬰兒用品商
坦白說,如果你想買奶樽奶咀等的!
又系無大牌子!如果你唔急的請你留到8月荷花展買!
急的請到吉之島出信用卡或會員卡買啦!近幾日吉之島又減價!
價錢和BB展商賣的差唔多,有時仲平D,而且選擇多D!

3)活動只咁孕媽媽,有少量適合識行識走的大少少小朋友!
原本幫了龍哈仔報了爬行比賽,但落選,應該太多人報名!
所以今日都無帶龍哈仔去BB展,幸好無帶龍哈仔去,因為無活動咁它玩!
相對媽媽咪咪嘉年華,真系無野咁BB玩!
如果你系孕媽媽又有時間和免費票的話,
龍媽媽建議你去,第一有雀巢孕媽媽教室,有福袋收!
第二有惠氏登記做會員會有一罐900克的媽媽奶!
第三有產房學習室,上完應該有禮物!
參加呢3個活動都值回時間和車錢!


以上就系龍媽媽的贈品!系唔系好豐富呢!
以下龍媽媽就會教大家有咩贈品拿,點樣拿?有咩值得拿?
假如你明天或後天要下午先去的話,而你又唔系孕媽媽的話,
龍媽媽會勸你唔好去,因為很多有用而好贈品會派曬!
好啦!講了咁多廢話!
龍媽媽教你今次百家寶BB展龍媽媽的心得和攻略!



第一,一定要早到,早到幾早到,就系在它未開始BB展時就要去排隊!
因為每日頭100個入場的人士都有福袋派,
每人一個,龍媽媽今日9:45到會場排隊,都已經有好多人排隊,
不過龍媽媽和妹妹都排到福袋!
而福袋就可以在12:00後換!



福袋禮物都OK!有一罐貝多寶的3號奶粉、一條學習褲、顏色筆、防曬膏、保濕膏等等!


之後一入到場就要去買$1的貨品,主要有3種,不過龍媽媽只買到2種!
首先系K13-K15 Lullaby的濕紙巾
(它每日限賣30包,另有無味酒精都系$1蚊,不過當然濕紙巾有用D)
之後系P20MyBoss的防夾手門盾
(都OK有用,系膠來的)
最後系H1宏天環球的天然有機潤膚膏
(龍媽媽走時見到宣傳海報先知,要like 它facebook先可以買,不過都幾大支)

可以換的贈品都有D,不過樣樣都唔太吸引,龍媽媽就介紹以下呢幾樣:


Noddy的福袋!都豐富,有學習褲、飲水杯,拼圖等!值得換!
歌德攤位有奶粉送,不過罐奶粉8月過期!
鴻福堂有糖送,都幾好!之於其它龍媽媽無換到,因為唔太吸引,無咩用!


龍媽媽都有敗家,不過只敗了以上3樣急需D而價錢合理的!
第一,minimoto小米米的車席,夏天到了,系時候買返車席給龍哈仔!
雖然小米米系內地出,不過OK多人用和價錢合理,$55到!
第二,Holle米糊,龍哈仔唔肯食粥仔,唯有買米糊給它再食一排先!
之於屈臣氏牌棉花棒點解要買,全因為有下面的禮物送!


BB展屈臣氏有擺檔,在屈臣氏買任何產品有上面禮物包送,
龍媽媽想要盒學習卡,所以買了全檔最平的產品-棉花棒!
十個幾,用了屈臣氏會員卡後仲有折,折了9個幾,OK!
盒卡都唔止啦!所以大家想要盒卡可以學龍媽媽咁買!


龍媽媽今日介紹完了!
因為龍媽媽每次打Blog都要等龍哈仔睡了先打到,
所以夜了先分享到!希望幫到想去而未去的媽媽們!
而如果8用荷花展有咩新優惠動向或免費門票,
龍媽媽都會在facebook第一時間報導!

鐘意龍媽媽的推介的,可否like下龍媽媽的facebook!
覺得龍媽媽推介實用的,可否like下龍媽媽的facebook支持下!

 

 
 
COMMENT
 
×

修改

×

回覆

私人
 
RELATED TOPICS