織織復織織，小雪當戶織

Mimi: 甘多哥哥姐姐，小雪媽媽唔知仲咩事呀！近排成日拎住兩支野舞黎舞去，都唔知佢搞咩，仲要成日係到傻笑。

小雪: Mimi呀！你唔好訓大俾喇！好痺呀！

(細聲: 因為近排既天氣凍左好多，Mimi 又無其他貓地可以同佢互相取暖，所以小雪就決定係新年前織張被被俾 Mimi，等 Mimi 都可以有個溫暖既新年。依家當然是用小雪的舊外套為 Mimi 保溫先。)

 

因為是幼冷，所以要密密織密密織，這個已經努力了 5天了，手都開始疆硬了。

 

雖然未織完，不過都俾 Mimi 試下先 ^^

大家覺得襯唔襯 Mimi 呀？

Mimi: 我既三七面，係咪好索先？

 

其實小雪一邊織，Mimi 就算凍到要打貓餅都唔會走回自己的貓籃，為左 Mimi 小雪一定要快手D先得呀！

 

小雪: 不過，Mimi 呀！其實你可唔可以唔好搞搞震呢？我一邊織，你就一邊玩；仲要成日將個冷球拍到鬼死甘遠。

(一跟 Mimi 對比就可以見到D冷真係好幼架！ Mimi 仲即刻變到好大隻甘，哈哈～)

 

努力了 7天終於都完成了，感動！

 

小雪: Mimi，手工雖然不好，但是一定是你第一件溫暖牌，錫晒你呀！啾～

 

睇下大小姐用成點先…

Mimi: um… 算係甘喇！係幾暖既～ (唔捨得出番黎)

小雪: Mimi 你好可愛呀 >~<

 

小雪: Mimi 依幾日凍左好多呀！俾我整番好你張被被先。

Mimi: 唔俾拎走呀！咬爆你

小雪: 嗚嗚… Mimi 依家只係攬實張被被，邊個掂都無面俾，連我都又打又咬，嗚~~