最新產品試用
  • 產品:
    保濕面霜 + 洗髮沐浴露
    保濕面霜 + 潤膚乳液
    保濕面霜 + 舒緩保濕乳
    名額:
    25名
    試用日期:
    04-01至17-01
    截止報名:
    24-01-2017  已截止
     
    立即登記
  • 產品:
    鮮維C高濃縮膠原深層補水面膜
    鮮維C高濃縮膠原亮白修護面膜
    鮮維C高濃縮膠原緊緻抗皺面膜
    名額:
    20名
    試用日期:
    28-12至03-01
    截止報名:
    21-01-2017  已截止
     
    立即登記
  • 產品:
    份子釘滋潤保濕急救精華乳 40ml
    份子釘滋潤保濕急救面霜 50ml
    份子釘滋潤保濕急救面膜 22g x 5pcs
    名額:
    20名
    試用日期:
    21-12至27-12
    截止報名:
    27-12-2017  已截止
     
    立即登記
  • 產品:
    魚子雙效修護乳液 150ml或魚子雙效修護面霜 50ml
    名額:
    20名
    試用日期:
    14-12至29-12
    截止報名:
    20-12-2017  已截止
     
    立即登記
 
 
 
Home > Blog > 減肥週記★Home Secrets 草本瘦身系列★

減肥週記★Home Secrets 草本瘦身系列★

因為農曆新年既關係,體重直線上升,夏天就黎到喇,可以點呢…

無論用咩方法減肥,都要先唸下岩唔岩自己,仲要唸下自己係咩因素導致肥胖呢?

今次試用既Home Secrets 草本瘦身系列共有4款產品,分別係水腫不見了、胃腩不見了、飢餓不見了及脂肪不見了。

*********************************************************************************************
水腫不見了:假若你因水腫以致水份積聚於下半身、缺乏運動或長期站立之、想改善下身和面部線條之人士, Home Secret水腫不見了絕對是你修身的不二之選。

成份:山梨糖醇、葡萄萃取、海茴香、蓮灰
  • 維他命C:柑橘萃取

胃腩不見了:專為消化有困難,常有胃氣脹之人士 、因壓力、進食過急或每餐進食份量大以致腸胃不適之人士 、想改善胃腰腹部線條之人士而設

成份:木瓜樹汁和麥芽精華,能促進消化系統機能

  • 酵母和乳酸菌能促進腸道益生菌之生長,改善胃氣脹之問題。

脂肪不見了:專為新陳代謝慢,缺乏運動之人士 、肥胖和脂肪比率過高之人士、較夜進食晚餐及晚餐份量較大者而設。
成份:可可、馬黛和青咖啡令脂肪燃燒得更快

  • 甲殼素能控制脂肪的吸收
  • 香橙皮能增強新陳代謝,減慢血糖的吸收
  • 山竹子能減低脂肪的吸收
  • 葡萄皮能強化血管,加速微血管循環,維持組織健康,減低橙皮紋的形成

飢餓不見了:專為胃口極好,食量極多之人士、愛好零食,及正餐之間常感飢餓的人士而設。
成份:蘋果果膠、橘類植物果膠、瓜膠: 有效提升飽腹感,從而減少進食量

  • 水溶性纖維在腸道形成啫喱狀物,減慢血糖的吸收,抑制飢餓感覺

**********************************************************************************************
而我知道我自己最大問題係食唔停(自從聖誕新年後真係無停過食),另外就係我唔做運動既,份工又係坐足一日,下半身較肥胖,又鍾意"橋"腳坐,去做淋巴次次都比亞姐話我淋巴阻,所以試用就選我要打擊既水腫不見了同肌餓不見了。

初初申請試用時一睇“草本”字以為係茶包,但見到實物原來係咁細盒,仲係pill 裝,第一個感覺係覺得好方便,因為包裝好輕巧。
通常我食一個產品,咩維他命、collagen之類我都一定睇說明書睇下成份,我一望個盒都見有多種成份,但無中文介紹呢,我建議應該有中文說明書,始終係香港市場麻!


另外,產品原產地係法國,始終食落肚,法國比到我更大安全感!

我係分開試用呢2個產品,雖然我知一齊試2隻一定效果比較明顯,但就難知道身體對特定一隻既反應,所以第一日先食“水腫不見了",係朝早連同早餐一齊食,一粒丸既size比藥丸大,不過對吞慣藥丸既我係絕對無難度,雖然係藥丸狀,但唔會苦啦,有少少橙皮既味道。我覺得我自己都幾水腫,塊面幾圓,下巴位一水腫就好似肥到有雙下巴,另外,水腫會令我覺得對腳粗D,手拜拜肉“林”D,我希望可以改善身體線條。

藥丸狀,每朝2粒,
第一日:食完其實唔會feel到有咩特別,去廁所次數無增加但量就多D,係好似有DD口乾,其他一切正常。
第二日:一樣朝早食,無口乾感覺,但塊面我覺得好似尖左D,唔知係咪心理作用呢,個水腫雙下巴無咁現。(我自己其實都唔信咁快咁神奇?!)
第三日:一樣食,今日唔係我自己心理作用喇,反而真係有同事問我係咪瘦左,因為塊面尖左!呢個係真既,我即刻搵鏡照下,好似無左個肥下巴。

呢個效果真係幾明顯,有水腫既sis可以試下,情況好似飲薏米水咁,將身體水份排出,全無負作用,但呢個丸狀,比其他產品更方便!另外,可能有需要出席特別場合既sis,想用最短既時間去準備扮靚,我覺得都可以早1日食定呢個,第二日呢再少D水腫可以更靚呢!

(後補)第七日:因為無食“水腫不見了”幾日,個肥下巴又返黎喇,我今朝即刻又食返,因為夜晚去街想靚D!

再次證明呢個產品係得既,效果快見效但要知道水腫同生活習慣有關,要平時飲食清淡D,少D鹽先可長期改善水腫。

第四日我就開始試“肌餓不見了”,原理係水溶性纖維幫你響食正餐前打底,咁就減低進食既慾望,每日都食少左,慢慢就可以響無痛苦既情況下減到肥喇!呢個原理我其實好耐之前都知,我曾經特登去買“寒天”粉加落飲品,但問題係杯飲品一凍就會杰撻撻好難飲,下下冲熱飲亦唔方便,而“飢餓不見了”就無呢個問題,因為響凍水都好快溶解到,飲品放耐左都無問題!

一盒有2排,每次一杯一片,外型似維多C,只要加水就可,凍水都無問題,非常方便!


第一次沖,只用玻璃杯,水份量少,味道酸酸地,橙味。

第一日,因為盒上寫“飢餓不見了”,所以我係食完午飯後下午5點呢鐘又肚餓時冲黎飲,第一次冲唔係好知落水份量,所以我只用一杯水,約250mL,同埋好急咁飲完,哇!唔難飲,但個肚好脹,飢餓感仲好強烈…慘…點解無咩效果既…
死忍到7點返屋企食飯,我份量如常,但飯後正常我到大約9點會周圍搵零食,但今次無喎,到第二朝都無平時一起身個飢餓感。
所以我發現呢個產品對我而言,飲左唔係可以即刻飽左,而係可以延長食物比我既飽肚感,咁我一樣無咁易肚餓去搵野食!

第二日,起身無平時咁肚餓,早餐食面包,好快想去洗手間,可能因為“飢餓不見了”含豐富纖維,所以排左毒既份量都稍稍多。今日我會醒少少,唔好等到肚餓先飲產品,我7點食晚飯,我6點就飲(午餐忘記了),今次仲改變少少,用多D水去冲,大約400mL,同埋逐少飲,唔會迫自己一次過飲曬!


只要有樽水響身,隨時都飲到!呢度係返屋企途中!

原來咁樣先最好,味道好D不特只,而且唔會飲到一肚水,而且可以更延長個飽肚感。

第三日,午餐前半小時飲,下午都無需要食野,放工6-8點去左做facial,本來唸住8點後先食野,但我先沖好一杯產品搭車返屋企時飲,返到屋企又無咩肚餓,所以食左2片麥包就可以了!
第四日都係午飯時飲左,如常午餐,唔需要食下午茶或零食,到六點零又飲一次,晚飯後飽肚感覺一直維持到!

當然我相信食左呢個產品幾日無可能話有咩好神奇即刻人瘦晒,但就keep到令你可以食得份量較少,如果可以加埋行多D做下運動,身型一定可以keep到呢。

總括2個產品,“水腫不見了”效果明顯,可以作緊急身型救援,而“飢餓不見了”就可以令你減少食慾,吸收較少卡路里,而且成份天然,由法國製造,有安全既保證呢!


尋日去做facial時磅,去廁所前同去廁所後磅數,哈哈,我要繼續努力!

呢篇寫左我成個星期呢,請多多支持,感謝!

 

 
 
COMMENT
 
Junamjai
 
努力加油
NAN人靚CY - Nancy Ho
 
happyclara88: 口乾少少啦,又唔係好嚴重既
可能我本身好怕口乾~我就好覺LAW
happyclara88
 
happypy: 都有d 作用, 少少地~
去水係明顯既!
happyclara88
 
Nancy Ho: 我都有食中...
係去到水腫...
但係好口乾...
口乾少少啦,又唔係好嚴重既
~ 詩詩 ~
 
等你再遲d的報告 ~~
NAN人靚CY - Nancy Ho
 
happypy: 都有d 作用, 少少地~
我都有食中...
係去到水腫...
但係好口乾...
happypy
 
都有d 作用, 少少地~
×

修改

×

回覆

私人
 
RELATED TOPICS