最新產品試用
  • 產品:
    保濕面霜 + 洗髮沐浴露
    保濕面霜 + 潤膚乳液
    保濕面霜 + 舒緩保濕乳
    名額:
    25名
    試用日期:
    04-01至17-01
    截止報名:
    24-01-2017  已截止
     
    立即登記
  • 產品:
    鮮維C高濃縮膠原深層補水面膜
    鮮維C高濃縮膠原亮白修護面膜
    鮮維C高濃縮膠原緊緻抗皺面膜
    名額:
    20名
    試用日期:
    28-12至03-01
    截止報名:
    21-01-2017  已截止
     
    立即登記
  • 產品:
    份子釘滋潤保濕急救精華乳 40ml
    份子釘滋潤保濕急救面霜 50ml
    份子釘滋潤保濕急救面膜 22g x 5pcs
    名額:
    20名
    試用日期:
    21-12至27-12
    截止報名:
    27-12-2017  已截止
     
    立即登記
  • 產品:
    魚子雙效修護乳液 150ml或魚子雙效修護面霜 50ml
    名額:
    20名
    試用日期:
    14-12至29-12
    截止報名:
    20-12-2017  已截止
     
    立即登記
 
 
 
Home > Blog > 廚師發辦之夜 @瀧

廚師發辦之夜 @瀧

在這個繁榮的都市裡,人們追求吃的享受要求越來越高! 也越來越捨得在吃方面花費! 所以近來廚所以近嚟廚師發板日式料理越來越盛行!



識飲識食並且站在潮流尖端的我當然也好此道啦! 因為通常廚師發板選用嘅食材永遠都係以最新鮮最時令嘅來招呼客人, 並由廚師以該食材處理製作成為美味可口的日式料理~


而可以選擇嘅係以個人套餐形式, 有三種選擇而我就揀咗呢款~

整個套餐包括有先付,前菜,湯,剌身,天婦羅,合肴,日本牛肉,食事,甜品。


好喇由這款先付展開今晚的旅程吧!一小杯非常精緻的雜錦包括了日本發菜,酸菜,和非常少機會食到的水母,而且還是剌身!



以醋作底調所以食到酸酸味味果然十分醒胃,第一次食水母剌身原來質地好似雞軟骨般爽脆,本身味道好淡,不過mix埋一齊覺得都幾好味~



至於前菜則是由日本新鮮腐皮,銀杏子,鴨胸,白梅貝組合而成,驟眼看起來好有秋意呢!


果然靚嘅銀杏是不會苦的!真係要試過先會相信!

反而有少少清甜,最後才有輕微回甘,令人愈吃愈起勁呢!新鮮腐皮混了點日式芥末,在香濃的豆味上加了一啲辛辣感,呢個組合又幾有火花喎!



然後再嚟出場嘅就係這個梅子湯, 看似單調但是飲落去散發出梅子陣陣嘅幽香, 清甜嘅感覺令人覺得非常好清新!




剌身方面,大㕑為我們準備了金目鯛、新鮮北寄貝

和大拖羅~


呈現出淡淡的粉紅色肉質的而且透著銀光的便是金目鯛,魚肉是比較爽身有咀嚼勁的那種,每一下咀嚼都更能感覺到其中的鮮甜,好好味!


新鮮的北寄貝香港比較少機會食到,多數係熟了已經變成紅卜卜那種。之前都試過有一間食過,不過食落有小小腥,以為係正常,點知今次食到原來係完全零腥架!!唔單止唔腥,仲鮮甜無比,同時食到爽口彈牙的質感,比象拔蚌更好吃、




稱得上大拖羅自然是勁過一般拖羅啦!色澤雖比較深潤,但仍然非常肥美,油脂的分佈非常完美所以食落好有油花香但又唔會over得制!而且肉的温度控制得幾好,夠凍但又未會使魚油凝固了,所以一咬落口油花好快就如一抹輕煙地在咀內散開,恰到好處!


再之後就係令人期待嘅tempura時間, 呢度嘅tempera出曬名出名到要攞嚟做店名! 呢度食tempura都好講究, 唔會求其畀啲醬汁你點下就算, 分別配搭海鹽、 抹茶粉、 檸檬汁和蘿蔔蓉~

先來的天婦羅蝦並不算好大隻, 勝在皮薄餡靚 ,蝦肉夠甜唔夠彈牙, 而且外層天婦羅粉團做得夠曬薄,我怕厚粉了,相反最享受那種若有若無的質感,只緊緊鎖住蝦肉的鮮甜!



這款山椎魚食落非常有魚肉的滑溜感, 既可以中和炸物帶來的油膩感, 同時又可以提鮮。



之後呢一款同樣都係魚, 而且係細細個已經食嘅紅衫魚! 不過產地來自日本,身價自然不一樣啦!


而且非常特別地配以新鮮海膽醬, 加上魚肉的質感有點像豆卜, 不是滑劣劣豆腐那種,倒是像豆卜那種會吸收醬汁的質感, 加上兩種食材味道非常夾, 而且海膽醬非常甘甜, 令人有種想將舊魚分到有咁細塊得咁細塊的衝動,務求將個海膽醬索曬嚟食呀!





大蜆先起肉再調配其他食材一齊連殼焗,蜆肉爽口味鮮,很不錯!



日本蘿蔔清燉,好有藝術feel,味道都算清新易入口。

牛肉方面則選用了日本近岡縣的西冷和宮崎的牛肩胛! 由於太吸引令人難以自拔嘅關係! 一向相機先吃的我竟然 吃了一半才記得影相! 可見牛肉幾咁吸引令到我去到了喪失理智的程度!(≧∇≦)

Anyway, 大家知道棉花糖嘅口感啦! exactly就係這種口感! 那種入口即溶的質感令人有種在咀嚼著雲彩的感覺! 隨之而來的油花芳香得令人 渾然忘掉工作了一整天的煩惱! 果然美食就是有種洗滌心靈嘅功效!

怪不得俗語都說辛苦得來自在吃啦! 對自己好啲洗少少錢都值得嘅!




用鮮雞做湯底煮出嚟嘅拉麵配以日本石班和柚子葉薑絲! 當聽道示意雞餚出來的湯底來做的拉麵時, 忍不住輕呼了一下! 因為實在太鐘意雞湯煮嘅拉麵, 個人認為雞湯煮出嚟嘅拉麵味道濃郁好多, 而且濃度亦較高!面條掛滿汁的感覺實在好好味! 再配以 鮮嫩滑口的石斑魚, 呢個組合冇得輸! 饞嘴的我 很想再來一碗!(≧3≦)




大家不要睇少這個蕃薯, 這個蕃薯足足炸咗45分鐘, 然後做到炸到內裡是軟心像焗出來一樣的口感, 但係外層不能夠燶,呢個好考工夫架!

外層脆卜卜內裏甜絲絲如蜜糖,超級正!


最後嘅甜品就係這個梨子和富有柿, 非常健康! 個人認為好過食cake或者雪糕^^


 

 
 
COMMENT
 
MR.MOON
 
NICE
×

修改

×

回覆

私人
 
RELATED TOPICS